SEGURA. DV. Zopa pertzaren igoera eta agurrarekin amaituko dira gaur ostegunean hasi eta lau egunez ospatu diren aurtengo San Joan jaiak. Ostiral gaua arte eguraldi onaren laguntzarekin zihoazen festak okertu egin ziren atzo auriarekin eta San Joan eguneko ekitaldiak ez ziren behar bezala konplitu. Prozesioak ezin izan zuen ohizko ibilbidea egin hirigunean zehar eta Joxe Mari Telleriaren Hartzaren lurretan kantua ere elizan estreinatu behar izan zen. Gaurko egitarauari dagokionez, San Joan txirrindulari proba irtengo da goizeko 9:30etan eta 10etan jokatuko da plater hauste lehiaketa Mendotze aldean. 13:00etan txistularien alardea burutuko da eta txakolin dastaketarekin amaituko da goizeko egitaraua. Arratsaldean, 19:00etan, Urko Menaiaren euskal abestien emanaldia entzuteko aukera izango da, ondoren hasiko da poteo elegantea eta 'Oro de Mexico' Mariatxien musikarekin egingo da azken dantzaldia, zopa pertzaren igoerarekin emango zaielarik amaiera festei gaueko 12:00etan.