ZARAUTZ. DV. Zarauzko Udalak XXII Basarri Bertsopaper saria antolatu berri du, euskara suspertu eta bertsogintzari lagundu nahian. Bi sari ezarri ditu, 900 eurotakoa lehenengoa eta 600ekoa bigarrena. Hori bai, lanek behar adinako mailarik ez badute, sariak eman gabe gera daitezke.

Bertsopaper lehiaketara lanak aurkezteko epea uztailaren 21a bitarte luzatuko da, bertsopaper bakoitzak, gutxienez, zortzi bertso izan beharko ditu eta partehartzaileek nahi adina bertsopaper bidal ditzakete. Lanek originalak, argitaragabeak eta beste inolako lehiaketetan saritu gabeak beharko dute izan, bakoitzak nahi duen gaia aukera dezakeelarik. Lanak Euskara Zerbitzura bidali behar dira (Balea Kalea, 2). Harremanetarako telefonoa: 943.005116 edo euskaraz@zarautz.org