BERROBI. DV. Igande honetan, Donostiako Igeldo auzoan eskola txikien festa ospatuko da. Bertan, Tolosaldeko eskola txikien ordezkariak izango dira, horien artean, Berrobiko eskolako haur eta gurasoak. Guraso elkarteak autobusa antolatu du eta momentuz 55 bat lagun bildu dira bertara joateko. Batzuk autobusez, beste ba-tzuk kotxetan joango dira Igeldora bertan egun pasa nahian. Besteak beste, egunean zehar, musika, dantza saioak, jolasak eta bestelako ekintzak burutuko dira denak primeran pasatzeko.

Gimnasta bikainak

Berrobiko Arantzazu Rodas, Garazi Goeneaga eta Elduaingo Ain-tzane Agirre gimnastak urte guztian zehar Belabietan ibili dira. Lehenengo ikasturtea dute gimnasia egiten neskatxok. Ostiralero, hurbildu izan dira Tolosara teknikak ikasi nahian. Lehengo ostiralean, berriz, festa txiki bat ospatu zuten aurtengo denboraldiari amaiera emateko, eta jende aurrean aritu ziren.