ZEGAMA. DV. Datorren igandean izango da Senperen urteroko Herri Urratseko zita, Iparrraldeko ikastolei laguntza eman asmoz eta, Zegamako Udal Kultura Batzordetik, aurten ere autobusa antolatu da bertara joan nahi duen guztientzat. Izenematea Udaletxean edota liburutegian egin behar da maiatzaren 11 bitartean eta bakoitzarena 6 eurokoa da. Urtero bezala, gutxieneko 30 laguneko kopurua eskatuko da autobusa irteeko.

San Isidro eguna

Datorren astelehenean, maiatzaren 15ean, San Isidro Eguna dela eta , Zegamako baserritarrak ere elkarrekin eguna ospatzekotan dabiltza. Hori dela eta, eguerdiko 13:00etan meza izango dute San Martin Parrokian eta ondoren bazkaria Ostatun. Bazkarian parte hartu nahi duenak, izena eman behar du maiatzaren 13 bitartean.

Hitzaldia jubilatuetan

Bestalde, esan, gaur osteguna, maiatzaren 11n, iluntzeko 20:00etan, Olarango Jubilatuen Elkartean Joan Amat, Sant Sadurni d'Anoiako alkateak Cava eta Penedes. Jatorrizko Izendapendun ardoei buruzko hitzaldia emango duela, bertako ardo eta caven dastaketa ere egingo delarik.