HERNANI. DV. Joan den asteburuan Dantzari Festa abian jarri zen eta Hernaniko kaleak dantzariez bete ziren. Leku guztietan, batez ere igande eguerdian, herri ezberdinetako dantzariak ibili ziren eta giro oso jatorra sortu zuten udalerrian.

Nahiz eta egitaraua goizeko 10:00etan martxan jarri, 11:00etan Ikurriñaren dantza dantzatu zuten gende guztiek, Gudarien plazan eta une horretatik aurrera dan-tzariek girotu zituzten herriko auzo guztiak. Hernanin ibili ziren Gipuzkoa, Araba, Bizkaia, Nafarroa, Zuberoa, Lapurdi eta Benafarroako taldeak, bakoitza bere ezaugarriekin.

Larunbatean ere festa polita antolatu zen Dantzari Txiki ekitaldiaren eskutik. Txikiak erdiguneko kaleetan aritu ziren, zazpi talderekin.