Aurtengo Udaleku Irekiak antolatzen hasi dira. Jolas giroan, euskaraz hitz eginez, neska-mutilen arteko harremanak sendotzeko antolatuko ditu udal euskera departamentuak. Udalekuetan begirale gisa lan egin nahi dutenek, apirilaren 28a baino lehen eman beharko dute izena. 18 urte izan, haurrekin egotea gustuko izatea eta euskera jakitea dira baldintzak. Begirale tituludunek izango dute lehentasuna.