LEGAZPI. DV. Gazte-Txokoan ere ospatuko dira inauteriak. Bihar ostirala, arratsaldeko 5etan irekiko da eta 6:30etan mozorro desfilea hasiko da. Zazpi sari banatuko dira, kategoria desberdinen arabera: mozorro ausartena, kurratuena, tipikoena, xalatuena, bitxiena, originalena eta bixtosoena. Desfilean parte har- tzeko nahikoa da bertara etor- tzea. Amaitzean, dantzaldia egongo da iluntzeko 9ak arte.

Eta iganderako, irteera antolatu da Tolosara, bertako konpartsak ikustera. Goizeko 9:30tan irtengo da tren geltokitik. Irteeraren kostua 3 eurokoa da. Joan nahi duenak, izena eman beharko du Gazte-Txokoan bertan, eta gaur da horretarako azken eguna.