BERASTEGI. DV. Datorren otsailaren 23an, ostegunean, Olatz Etxeberria, Garbiñe Ezkerra eta Amaia Azkue berastegiarrak, Kike Amonarrizen saioan lehiatuko dira, beste bi talderekin batera.

Lehiaketa ETB-1en ikusi ahal izango da, 22:00etan. Hirukote horrek zazpi proba egin beharko ditu ahalik eta puntu gehien lortu eta finalerdira sailkatzeko; esate baterako, bertsoen errimak asmatu, mimika egin edota txisteak kontatu beharko dituzte. Saioa irabazten badute, finalerdia jokatuko dute eta finalera igaroz gero, 18.000 euro eskuratzeko aukera aparta izango dute.

'Mihiluze' saiotik igarotzen ari diren guztien antzera, Olatzek, Garbiñek eta Amaiak hirokote bizia, umoretsua eta alaia osatzen dute.