ORIO. DV. Dantza saioa izango da gaur arratsaldean Karela kiroldegian, Danbolin Musika Eskolako dantzako ikasleen partaidetzarekin. Guztira 130 ikasle inguru taularatuko dira, guztiak ere 4 eta 14 urte bitartekoak.

Aitzol Ena dantzariaren ikasleak dira guztiak. Eskainiko duten egitarauaren Barne ikurriña, Agurra, Boastitzea, San Juan, Txulalai, Plazara-dantzara, Saint Petite, Banakoa, Bolantz dantza-Lantzeko inauteria, Uztai txiki, Zinta dantza, Zortzikoa, Koreografia, Fandango, Arin-arin eta Bukaera dantzatuko dituzte.

Esan bezala, herritar guztiak gonbidaturik geratzen zarete arratsaldeko seietan hasiko den emanaldi honetara.

Bestalde, pasa den larunbatean Andoainen I. Piano Leihaketa ospatu zen, bertan Danbolin Musika Eskolako pianoko 19 ikasleek parte hartu zutelarik. Ikasleek oso ondo jo zuten eta egindako lanarekin gustura itzuli ziren, urrezko 10 domina eta zilarrezko 9 domina zituztela. Zoriondu besterik ez zaigu geratzen egindako lanarengatik.