Ardoa eta Arrain Bidea, (GR-38a) bezala ezagutzen den zeharkaldi luzeari ekingo dio Pagoeta Mendizale Elkarteak urtarrilaren 29an lehendabiziko txangoa eginez. Bi urtetan osatuko den zeharkaldia izango da, aurtengoan lau txango eta datorren urtean beste lau eginez. Bermeon hasi eta Errioxan amaituko da. Lehenengo txangoa, Bermeon abiatu eta Gernikatik igaro ondoren, Mendatan amaituko da. Izen emateak bihartik osteguna bitartean Mendizabal-en.