Ostiral honetan, gaueko 10etatik aurrera, Larru haizetara izeneko antzezlana aurkeztuko da Aita Mari zine aretoan. Patxo Telleria da antzezlanaren egilea eta bera eta Mikel Mendizabal dira taula gainera igoko diren aktoreak. Munduko euskaldunberririk zaharrenak muntaian agertzen ziren pertsonaiak ditugu, hain zuzen, protagonistak lan berri honetan. Egoera laborala, entxufismoa eta sexua bezalako gaien inguruan hitz egingo dute, beti ere, komedia moduan. Sarrerak gaur eta bihar egongo dira salgai turismo bulegoan 7 eurotan.