ARRASATE. DV. Urte hasi berria erabakigarria izango da Zahar Berri proiektuarentzat. Gaur egunean 17 euskara ikasle edo euskaldun berrik eta 6 euskaldun zaharrek hartzen dute parte berba lagun proiektuan. Denetara, sei taldetxo daude martxan.

Datu hauek antzeko beste proiektu batzuekin alderatuz motz gelditzen direlakoan daude Zahar Berri proiektuko arduradunak. Ondorioz partehartzea areagotzeko ahalegin berezia egingo dutela aurreratu dute.

Bide batez, euskaldun zaharren beharrean daudela aipatu du Lander Juaristi elkarteko teknikariak. Astean ordubetez euskarari bultzada eman eta euskara ikasi eta erabili nahi duten batzuekin kafe bat, pote bat hartuaz edo pasea-tzen (zuek nahi duzuena) euskaraz hitz egiteko.

Bestalde berba taldea mar-txan da eta aste bukaeretan ekintzak antolatzen dituzte, hurrengo ekintzak Chillidalekura bisita (urtarrilak 29) eta Irrati tailerra izango dira.

Berrikuntzei dagokienez, www.zaharberri.com web gunea sortu dute, proiektuaren nondik norakoak jarrai-tzeko tresna baliagarri moduan.

Bertan Zahar Berriren lan ildo bakoitzak bere gunea dauka (berba laguna, berba taldea, euskaltegiko ekintzak, Berbetan hilabetekaria). Honetaz gain argazkiekin ere aberastuko dute web gunea, eta ekintza ezberdinen argazkiak ikusgai izango dira.