Ohean lo zegoela bihotzekoak jota, Urteberri-egunean heriotza aurkitu du Joxe Aranburu Etxaidek. Urtezahar arratsaldean kalean ibili eta familiarekin afaldu ondoren, ohean lotan zegoela hil da 48 urte zituen zarauztar ezagun hau. Azken Portun dagoen Cristalería Aranburun egiten zuen lan eta bere zaletasunen artean, ehiza eta futbola aipatu behar dira; izan ere, asteburuetan Asti futbol zelaira hutsik egiten ez zuen horietakoa zen jubenil taldeko atezaina den Denisen aita. Bere aldeko hileta elizkizunak atzo arratsaldean izan ziren Santa Maria La Real eliz parrokian. Goian bego, Joxe!