Urte zahar gaua ospatzeko kontzertuak izango dira Pagoan

Arratsaldeko 13:30etik aurrera izango da

BASTEROBERRI OIARTZUN.

Urte zahar gaua bukatu den urtea zapore onarekin bukatzeko gaua izaten da. Baina, aldi berean, datorren urte berria primeran hasteko gaua izaten da. Hori dela eta, Pagoa Kafe antzokian reggae kontzertuak antolatu dituzte.

Arratseko 13:30ean hasiko dira kontzertuak eta hurrengo eguerdiko 13:00ak arte iraungo dutela aurreikusi dute antolatzaileek. Bad Sound System, Selektah Stepi, Little Martin Selektah, Mountain Sound, Dantzall Sound eta Pano Selektah taldeak ariko dira jotzen Pagoako oholtza gainean. Taldeez gain, sorpresa handiak ere iragarri dituzte antolatzaileek.

Kontzertuetarako sarrera 10 eurokoa izango da. Sarrerak eskura Pagoan bertan edo Elorsoro kiroldegian izango dira. Beste aukera internetez erostea litzateke, ticketea.com edota kutxabanksarrerak webguneetan.

Horrez gain, aurtengoan berritasun bat jarri dute: kontzertuetara joateko eta etortzeko autobusa antolatu dute. Autobusa bereiz ordaindu beharko da, 7 euro.

Autobus zerbitzua nahi duenak pintxoreggae@gmail.com helbidean edota 608376099 whatsapp bidez kontaktatu beharko du. Joateko autobusa Donostiatik abiatuko da, Pio XII plazatik gaueko 1:00etan.

Hurrengo geltokia Errenterian izango du, Zumardian 1:15ean. Handik, Irungo San Juan plazara, 1:30ean. Eta Irundik Pagoara joango da. Bueltarako, goizeko 8:00etan abiatuko da Pagoatik eta kontrako bidea egingo du: Irun, Errenteria eta Donostia.

Contenido Patrocinado

Fotos

Vídeos