Periko Sanromari omenaldia egingo diote igandean

Periko Sanroma martxoan kirol saria jasotzen alkatearen eskutik.
/
Periko Sanroma martxoan kirol saria jasotzen alkatearen eskutik.

Haurtzaro Ikastolan izango da arratsaldeko 16:00etan

BASTEROBERRI OIARTZUN.

Pasa den astean hil zen Periko Sanroma Haurtzaro Atletismo taldearen sortzaileetariko bat. Azken momentura arte gozatu zuen atletismoarekin, eta Haurtzaroko taldearen alde lanean. Etzi, igande honetan, izango du azken agurra familiaren eskutik. Baina, Haurtzaro Ikastolan izango da agurra, Perikok hainbeste ordu sartu dituen leku kuttunean. Ekitaldia 16:00etan hasiko da, familiaz gain, ezagun mordoa hurbiltzea espero da, baita atletismo munduko jendea ere.

Ez da bere omenez antolatu duten gauza bakarra izango. Haurtzaro Atletismo Taldeak Irungo Txingudi Ikastolako krosarekin hasten du, urtero, kros denboraldia. Aurten ere horrela izango da, eta bertan ere Sanromaren hutsunea nabarituko dute.

Momentu eta leku polita aitor-tza jasotzeko, omenaldia goizkeo 11:55ean izango da. Entrenatzaile izan zenari gehien gustatuko litzaioken moduan omenduko dute: korrika, ohorezko buelta bat emanez.

Haurtzaro Atletismo taldeak autobusa antolatu du Irunera joateko, guraso, lagun eta gazte asko baitira joatekoak. Autobusa ikastolako aparkalekutik goizeko 8:45ean eta Txinguditik 13:00etan aterako da.

Contenido Patrocinado

Fotos

Vídeos