Parekidetasuna eta jaiak hizpide datorren asteartean

Gogoeta-gunea izango da hilaren 27an bibliotekan

BASTEROBERRIOIARTZUN.

Oarsoaldea mailan, festen parekidetasun diagnostikoa egiten ari da Elhuyar, aurreko legegintzaldian Gipuzkoako Foru Aldundiak eskualdeetan zertan inbertitu erabakitzeko egindako prozesuaren ondorioz. Gainerako herrietan bezala, Oiartzunen gogoeta-gune bat osatuko da, orain arte egindako lana aztertzeko eta herritarren iri-tziak biltzeko gaiaren inguruan. Oiartzungo kasuan, hilaren 27an (asteazkena) da hitzordua, Manuel Lekuona bibliotekan 18:30ean.

Jai eta ekitaldien antolakuntzan dabiltzan eragile, talde, elkarte eta norbanakoak gonbidatu nahi ditu Udalak, bereziki saio honetara. Hala ere, gaiarekin sentsibilizazioa edota esateko zerbait duen edonor ongietorria izango da.

Herri bakoitzean, adierazgarri izan daitezkeen hiru festa aukeratu dira behaketa egiteko. Oiartzungo kasuan, ihoteak, Iturriozko Santioak eta Xanistebanak izan dira.

Behaketan ateratako ondorioak partekatuko dira gogoeta-gunean, eta herritarren iritziak, ikuspegiak... jaso nahi dira, diagnostikoa osatzeko. Helburua, parekidetasunaren ikuspegitik hobetzeko esparruak baldin badaude, etorkizunerako irizpideak markatzea izango da.

Contenido Patrocinado

Fotos

Vídeos