Jon Otegi txapelduna Xoxokako festetan

Jon Otegi oiartzuarra segan aita laguntzaile lanetan duela.

BASTEROBERRI OIARTZUN.

Urnietako Xoxoka auzoko festetan izan zen Jon Otegi oiartzuarra segan pasa den asteburuan Julen Gabilondo bikotearekin. Garaile izan zen bikotea Xoxokako sega apustuan; 35 segundoko alde atera zioten Suharri Irazustabarrenari eta Iñigo Merkaderri.

Ikusgarria eta zirraraz beterikoa izan zen indar neurketa ia proba guztian. Azkenean, Euskal Herriko txapeldun den Gabilondoren eskarmentuak desorekatu egin zuen norgehiagoka. Herri-kirolzale ugari bildu zen Xoxokako lur sailera, eta giro ederra sortu zuten segalarien eta ikusleen artean.

Apustua bukatu ondoren, gaztetxoek heldu zioten segari eta erakustaldi polita egin zuten, agerian utziz segaren modalitateak baduela etorkizuna.

Fotos

Vídeos