OKEko jokalariek asteburu luzea izan dute

BASTEROBERRI OIARTZUN.

Oiartzun Kirol Elkarteko taldeek ostegunean, ostiralean, larunbatean eta igandean izan dituzte partidak. Ez dute atsedenik izan OKEkoek. Ostegunean, Ohorezko mutil gazteek Fanderiako futbol zelaian jokatu zuten, Touring taldearen aurka. Touringekoek bi gol sartu zizkieten oiar-tzuarrei, baina ez ziren nahikoak izan OKEko mutilak gainditzeko. Nikolas Kazabonek hiru gol sartu baitzituen. Horrela, 2-3ko emai-tzarekin bukatu zen partida. Lehen mutil gazteek berriz, Lezon jokatu zuten Allerru taldearen kontra, 0-6 irabazi zieten lezoarrei. Haur mutil txikiek Real Union hartu zuten Karla Lekuona zelaian, 0-1 galdu zuten. Euskal Ligako neskek Derion jokatu zuten, 0-4 irabazi zuten. Ohorezko neska kadeteek Deban jokatu zuten, 0-3 irabazi zuten hauek ere.

Ostiralean, zubia aprobetxatuz, partidu bakarra izan zen. Bigarren mailako emakumezkoena. 6-0 garaitu zuten Pradejon taldea. Emai-tzak dena esan dezake partidaren nondik norakoaz. Hala ere, esan behar da punteriak falta pittin bat izan zutela Oiartzungo neskek. Aukera mordoa izan zuten, punteriak lagundu izan balu emaitza izugarria izan zitekeen. Baina, ezin kexatu sei eta hutsekoarekin. Beraz, bejondeiela.

Larunbatean oraindik eta ere partidu gehiago izan zituzten OKEko neska-mutilek. Ohorezko Erregionaleko mutilek Bergarakoak hartu zituzten Ugaldetxon. 1-0 egin zuten. OKEko mutilak lehenengo zati ona izan zuten, baina hauei ere punteriak ez zien askorik lagundu. 0-0ko emaitzarekin joan ziren aldageletara atsedenean. Eta bigarren zatian bergararrek aukera aprobetxatu eta baloia sareratzea lortu zuten. Ez zen markagailua berdin-tzeko, zein iraultzeko aukerarik izan.

Ohorezko Erregionaleko gizonezkoez gain, OKEko beste bost taldek ere izan zituzten partidak. Preferente mailako gizonezkoek Astigarragako taldea hartu zuten Oiartzunen. Astigarragarrak gailendu ziren norgehiagokan, 0-1. Ohorezko mutil kadeteek Euskalduna taldea hartu zuten Karla Lekuonan, 2-1 irabazi zuten, Iker de Pazen bi golekin. Lehen mutil kadeteek Beti Ona taldea hartu zuten etxean, 0-8 galdu zuten. Euskal Ligako neskek Erandioren aurka jokatu zuten, 3-0 irabazi zuten. Neska kadeteek Zarauzko taldea hartu zuten etxean, 2-1 gailendu ziren.

Azken partidak igandean izan ziren, porrot handiak jaso zituzten OKEko taldeek. Haur-8ko neskek Añorgaren aurka aritu ziren, porrota jaso zuten, 1-9 galdu baitzuten.

Ohorezko haurrak, mutilak, Kostkas taldearen zelaian aritu ziren, hauek ere porrota, 7-0ekoarekin bueltatu ziren etxera. Mutiletako lehen haurrak, Fanderian aritu ziren Touringen aurka, hauek ere porrota, 9-0 galdu zuten.

Fotos

Vídeos