'Oinbusa' egitasmoa hilaren 21ean jarriko da martxan herrian

DBH 4. mailako ikasleak bide seguruak markatzen, Iturriotz auzoan./
DBH 4. mailako ikasleak bide seguruak markatzen, Iturriotz auzoan.

BASTEROBERRI OIARTZUN.

Oiartzungo Udala eta bi ikastetxeak herriko bi ikastetxeetara lagun artean oinez etortzeko ekimena berreskuratzeko lanak egiten ari dira. Aurreko ikasturtean, 'Oinbusa' egitasmoa bideratzen hasteko, interes galdeketak egin ziren. Aurten, berriz, Udalarekin batera hainbat bilera egin dira ibilbide seguruak erabiliz ekimen hori martxan jartzeko interesarekin.

Ekimen honen bitartez, ikasleak lagunekin oinez etortzeko ohitura sustatu nahi da. Horretarako, maiatzean zehar 'Oinbusa' ekimena mar-txan jartzeko hainbat urrats egin dituzte, besteak beste: DBH 4. mailako ikasleek bide seguruak eraiki eta markatu dituzte, hiru taldetan banatuta. Iturriotz, Altzibar eta Ugaldetxo auzoetatik eskola eremura bitarteko tarteak seinalatu dituzte.

Izan ere, 'Oinbusa' ekimena hiru auzo horietatik antolatuko da, Iturriotz, Altzibar eta Ugaldetxo aldetik abiatuta.

Oinezko 'autobus' horrek, Eskola Bidea programako ekimen guztiek bezala, txikien autonomia bultzatu nahi du ikastetxean, etxetik eskolara joateko, bai eta beren joan-etorrien sostengarritasuna bermatu ere.

Contenido Patrocinado

Fotos

Vídeos