Ohiko batzar nagusia Haurtzaro ikastolan, gaur

Gaur arratsaldean Ohiko Batzar Nagusia egingo du Haurtzaro Ikastolak. Gai zerrenda luzea bezain mamitsuari ekingo diote bertara hurbiltzen diren guraso eta langileek, arratsaldeko 17:30ean.

Saioan jorratuko dituzten gaiak hauexek izango dira: lehendakariaren agurra; bidezkoa bada, aurreko Batzarraren aktari onespena; Kontseilu Errektoreko eta Hezkuntza Batzordeko ordezkari berrien izendapena; 2016-2017 ikasturteko gestio txostena eta bidezkoa bada 2017-18 ikasturteko gestio planaren onarpena; 2016-2017 ikasturteko kontuak eta bidezkoa bada, 2017-2018 ikasturteko aurrekontuen onarpena; KEI kalitate akreditazioa, Agenda 21 Aintzatespena eta IKT Heldutasun Teknologikoa; HH marko berria; Bianditz S.L.; Udalarekin harremanak; Haurtzaro - Elizalde harremana; Hezkuntza legea; Haurtzaro Ikastolako 50. Urteurrena eta galderak eta erantzunak.