Mattin Etxebeste oiartzuarra mutiletan bigarren, Legazpin

Legazpin izan zen 2017-2018 ikasturteko Soinu Zahar ligako lehen txapelketa. Dantzari mordoak parte hartu zuen. Gipuzkoako txoko guztietatik bertaratu ziren Euskal Dantzan aritzera, ttiki zein handi.

Mattin Etxebeste oiartzuarra izan zen B sailean mutiletan bigarren sailkatu zena. Lorena Zalakain irakaslea lagun zuela parte hartu zuen txapelketan. Entrenamenduek eta entseguek eman dute bere fruitua. Pozik agertu baitzen Etxebeste bere saria eskuetan zuela.

Honenbestez, hurrengo saiorako sailkatu zen. Hilaren 28an Amasa-Villabonan jokatuko da.