Lintzirin eremuko hirugarren faseko lanak hasi dira

Lanak martxan. /  BASTEROBERRI
Lanak martxan. / BASTEROBERRI

BASTEROBERRI OIARTZUN.

Lintzirin eremua biziberritzeko egitasmoak aurrera darrai, martxa onean. Lehengo astean, hirugarren faseko lanak hasi ziren. Lan hauetako egitasmorik garrantzitsuenetariko bat zerbitzu-bide bat eraikitzea izango da, GI-636 errepidearen paraleloan, oinezkoentzako espaloiarekin eta argiteriarekin. Honela, eremu horretan dauden enpresetara eta zerbitzuetara sartu-irteerak erosoagoak eta seguruagoak izango dira eta gaur egun Gipuzkoa mailan garraio gehien duen puntuetako bateko trafikoa arintzea lortuko da.

Lanen aurreikuspena bi hilabetekoa da. Udalak Gipuzkoako Foru Aldundiko Azpiegitura sailarekin sinatu duen hitzarmenari esker, bi erakundeen artean finantzatuko dituzte lan hauek. Guztira, 919.000 euro pasatxoko inbertsioa izango da.

Poligonoaren biziberritzea

Duela bi urtetik hona, Udalak egindako apustu garrantzitsuetariko bat da Lintziringo poligono osoari irtenbide integral bat ematea. Azken hilabeteetan bigarren faseko lanak bukatu dira: Lintzirin-Carrefour arteko barruko errepidean, udal jabetzakoa, espaloia eta argiteria jartzea, hain zuzen ere. Lan hauetan 400.000 euroko inbertsioa egin Udalak.

Contenido Patrocinado

Fotos

Vídeos