Lagunarteko partida Karla Lekuona zelaian, gaur

Oiartzun taldea, denboraldi berria buru belarri prestatzen.
Oiartzun taldea, denboraldi berria buru belarri prestatzen. / N. SKY

GOIZARIN OIARTZUN.

Denboraldi berria irailean hasiko bada, Oiartzun KEko taldekideak dagoeneko entrena-tzen hasiak dira. Besteak beste, 2. mailako emakumeen taldeak uztailaren 28an ekin zion 2017-18 denboraldiaren prestaketari Gurutze Fernandez entrenatzaile berriaren aginduetara. Ohorezko Erregional taldea, berriz, egun bat beranduxeago.

Orain, lagunarteko partidak jokatzeko tenorea da ahalik eta maila onenean iristeko liga hasierara. Gaur, hilak 23, arratsaldeko 19:00etan OKE Euskal Ligako Neskak Hernani izango du aurkari.

Atzo, berriz, Bigarren Mailako Emakumeen taldeak Osasunaren aurka jokatu zuen Tajonar futbol zelaian, arratsaldeko 19:00etan. Era berean, Ohorezko Erregional taldeak Karla Lekuona zelaian jokatu zuen arratsaldeko 19:30ean Zestoaren aurka.

Heldu den larunbatean, hilak 26, OKE 2. mailako emakumeen txanda izango da Mulier izango baitute aurkari goizeko 11:30ean, Karla Lekuonan. Ohorezko Erregional taldeak, berriz, Astigarragako Mundarroren aurka jokatuko du Zakurmendegi zelaian 17:00etan.

Fotos

Vídeos