Kenpo Kaiko azterketak egin ziren Elorosoro kiroldegian

Ikasleak azterketa egiten. / OIARTZUNGO KENPO KAI
Ikasleak azterketa egiten. / OIARTZUNGO KENPO KAI

BASTEROBERRI OIARTZUN.

Pasa den larunbatean, hilak 16, Elorosoro kiroldegian izan zuten zita Nafarroako zein Gipuzkoako zenbait herrietako Kenpo Kaiko ikasleek. Nafarroako eta Gipuzkoako herri ezberdinetako 200 bat gaztetxok izan zuten beren gerrikoaren kolorea aldatzeko aukera. Nafarroatik Bera, Elizondo, Sunbilla, Ziga, Errazu eta Garzain herrietako gaztetxoak bertaratu ziren. Gipuzkoatik, berriz; Aduna, Oiartzun, Irun, Errenteria, Donostia, Pasai Donibane eta Andoaindik.

Azterketan ikusitako maila oso altua izan zen, Euskal Herriko Kenpo Kaiaren etorkizuna bermatuta dagoela erakutsi zuten gaztetxoak. Lan bikaina egin zuten bai Gipuzkoatik zein Nafarroatik etorritako gaztetxoek.

Aipamen berezia Oiartzungo Kenpo Kai elkarteari. Oiartzungo Kenpo Kai eskolako ikasleek aurten ere oso maila altua dutela erakutsi zuten azterketan. Aurten bereziki aipatu azterketaren harira laguntzaile lanetan aritu direla Emma Garmendia, Mikel Osa eta Ibon.

Aurtengo azterketan epaile lanetan besteak beste Juan Mari Vidal Kenpo Kaiko arduraduna eta IKFko gradu zuzendari berria izendatutakoa izan da Alain Isasa Oiartzungo eta Adunako arduradunarekin batera. Beraz zorionak denei egindako lana eta lortutako emaitzengatik.

Contenido Patrocinado

Fotos

Vídeos