Karla Lekuona zelaian euriak ez zuen lagundu

Iribarren jokalaria baloiarekin jokaldi batean. /  BASTEROBERRI
Iribarren jokalaria baloiarekin jokaldi batean. / BASTEROBERRI

Bigarren Mailako taldeak 1-2 irabazi zuen Gasteizen eta Ohorezko Erregionalek 0-1 galdu etxean

BASTEROBERRI OIARTZUN.

Ohorezko Erregionaleko taldeak larunbat arratsaldean jokatu zuen Karla Lekuona zelaian. Ez zuen eguraldia lagun izan. Karla Lekuona zelaia, euriarekin, pu-tzuz eta lohiz bete zen. Zelaia txarrera ohituta badaude ere oiartzuarrak, ez zen erraza izan baloia mugitzea. Ongi jokatu zuten, baina ez zen baloia atean sartzerik izan. Hernaniarrek, berriz, baloia oiartzuarren atean sareratzeko zortea izan zuten. Horrela, asteburu honetako hiru puntuak Hernani aldera eramanez.

Bigarren Mailako taldea Gasteizen aritu da Alavesen kontra. Ez zen partida erraza izan, hasi eta berehala kontrako gola jaso baitzuten. Horren aurrean, kikildu beharrean gogor erantzun zuten oiartzuarrek. 35. minutuan Estik gola sartu zuen. Eta gol horren ondoren indarrak hartu eta bigarren zatian sartu zuten bigarren baloia gasteiztarren atean. Honenbestez, 1-2koarekin garaipen garrantzitsua lortu zuten.

Gainerako taldeen emaitzak

Preferenteen taldeak garaipena lortu du Martuteneren aurka etxean, 3-2koarekin. Ohorezko gazteek 2-3 irabazi zuten Hernanin. Lehen gazteek Hondarribia garaitu dute 3-1ekoarekin. Ohorezko kadeteek 1-2 galdu zuten Hernaniren kontra etxean. Oiartzungo kadeteen taldea Pasaiak garaitu zuen 0-3. Ohorezko haurrek Hondarribiaren kontra jokatu zuten, ez zuten irabazterik izan, 0-2koarekin bukatu zen. Lehen haurren kategorian Trintxerpearrek 16 eta oiartzuarrek 0. Haur txikiek banako berdinketa Mariñoren kontra. Areto futbolean 4-0 irabazi zuen OKEko taldeak Tellatuberriren kontra. Power Rangers taldeak Aurrera taldea hartu zuen Elorsoro Kiroldegian, 4-7 galdu zuten. Miren Tabernak Laskorainen kontra jokatu zuen kanpoan, 5-1 galdu zuten. Euskal Ligako neskek 3-5 galdu dute etxean Goierrigorri taldearen kontra. Territorialeko taldeak 6-1 galdu zuten Lezon, Allerruren kontra. Ohorezko neska kadeteek Mariño garaitu zuten Irunen, 0-1. Kadeteek Sporting Herreraren kontra egin zuten, 3-1eko garaipena lortuz. Haur 8 ko neskek 16 gol sartu zizkioten Allerruri, lezoarrak hutsean geratu ziren. Alebinek Astigarrako taldea garaitu zuten 3-1.

Fotos

Vídeos