Kantari herriko kale eta auzoetan barrena

Haurtzaro Ikastolako DBH4ko ikasleak kantu-eskean. /  ARGAZKIAK BASTEROBERRI
Haurtzaro Ikastolako DBH4ko ikasleak kantu-eskean. / ARGAZKIAK BASTEROBERRI

Zortzi taldetan banatuta kantatu ondoren, eguerdian Doneztebe plazan elkartu ziren Haurtzaro Ikastolakoak

BASTEROBERRI OIARTZUN.

Euskal Herriko herri askotan egiten den moduan, Oiar-tzunen Gabon Egunean gaztetxoak kantuan eta sari eske ateratzen ziren. Ikastolako ikasle, irakasle eta gurasoek 24 goizean herriko txoko guztietara eraman zuten haien kantua. Zaharrenak, DBH 4koak, Oiar-tzungo kaskotik urrutien dauden auzoetara joan ziren: Ergoien eta Iturriotz aldeko baserrietara.

Ttikienak Elizalde auzoan barrena ibili ziren eta beste ikasleek Altzibar, Iturriotz, Ugaldetxo, Gurutze... bisitatu zituzten. Eta eguerdi aldera, den-denak Doneztebe plazan elkartu ziren, guztiek elkarri eskaintzen zioten berotasunean, kantuz, zorionak banatzeko. Amaieran, «agur eskerrik asko, agur etxekoak, hurrengo urte arte...».

Elizalde Herri Eskolako ikasleak, berriz, Elizalde auzoan zehar ibili ziren 11:00etan abiatuta. Hauek ere 12:00etan udaletxe aurrean abestu zuten. Gero, ohitura legez, LH2ko ikasleen gurasoek egindako hamaiketako goxoa jan zuten.

18:00ak aldera Done Eztebe plazako argiak itzali ziren Olentzero eta Mari Domingi bazetozela iragartzeko. Haur, guraso eta plazan zegoen oro Donibane kalera hurbildu zen ikazkina, astoa eta laguntzaileen etorrera ikusteko. Olentzerok astoa Xabaleko iturrian utzi zuen eta Kon-tzejupeko oholtzara joan zen lagun-tzaileak atzetik zituela. Gabon kanta batzuk abestu ondoren, haurren gutunak irakurtzeari ekin zion. Baina, gutunak aurkitu ezin zituenez Mari Domingiri deitu zion. Udaletxeko leihotik azaldu zen gutunak eskuan zituela. Horrela, gutunak jaitsi zituen eta biek batera egin zieten kasu haurren gurasoei.

Contenido Patrocinado

Fotos

Vídeos