Irailaren 17an Arditurriko Bide Berdearen 6. eguna

BASTEROBERRI OIARTZUN.

Egunari hasiera emateko, Arditurriko 6. bizikleta martxa abiatuko da goizeko 9:30ean Errenteriako Gamon Zumarditik eta 10:00etan Oiartzungo Done Eztebe plazatik. Bi lekuen helmuga Arditurriko meategiak izango dira. Ibilbidearen zailtasun maila erraza da, beraz adin guztientzako egokia da bizikleta martxa hau. Kaskoa eramatea nahitaezkoa izango da eta argia eramatea gomendatzen da. Bizikleta martxan parte hartzeko 15 minutu lehenago egotea komeni da irteera puntuan.

Arditurrin bizikleta gordailu jarriko da. Gainera, bizikletaz joaten direnek hamaiketakoa doan izango dute helmugan, non hainbat ekintza antolatu diren. Meategira bisita gidatuak prezio murriztuan egin ahal izango dira goiz osoan zehar. Bisita-txartelarekin, Seg-way zirkuitua ere egin dezakete bisitariek musu-truk. Honetaz gain, hainbat jolasetan parte hartzeko aukera ere izango dute: zinta karrerak, herri kirolak, jolasak bizikletarekin, etab. Aurten saio berri bat izango da gainera, Trial erakustaldi bat izango baita 12:00etatik 13:30era.

Fotos

Vídeos