Iragarana, lahar eta larrosa antzerkia hilaren 28an

BASTEROBERRI

Udalak eta Oiartzungo Gure Esku Dagok antolatuta, Iragana, lahar eta larrosa herri-antzerkia ikusteko aukera izango da hilaren 28an, larunbata, udaletxeko areto nagusian, arratsaldeko 19:00etan. Dagoeneko sarrerak salgai daude Garmendi txokolategian eta Amazkar tabernan, 6 eurotan; egunean bertan, 8 eurotan salduko dira.

Lourdes Imazek idatzi eta zuzendutako antzerkia Segurako antzerki-talde amateur batek taularatuko du, Karlos Gimenezen musikarekin lagunduta. 1923-1936 arteko Euskal Herriko gertakari politikoak ditu hizpide fikzioaren bidez. Iragana, lahar eta larrosa lanak 1923tik 1936 artean, Goierriko herri bateko bi familiaren kontuak ditu hizpide: Primo de Riveraren diktaduratik hasi, II. Errepublikan euskal alkate batzuek egindako euskal errepublikaren aldarrikapenetik pasa eta 36ko altxamendu faxista arteko gune historikoan gertatutakoa, alegia. Euskal Herriko historia ezagutzeko aukera ezin hobea izango da oiartzuarrentzat.

Contenido Patrocinado

Fotos

Vídeos