Industria segurtasunerako araudi berriari buruzko jardunaldia

Oarsoaldea Garapen Agentziak, SGS enpresarekin batera, jardunaldi bat antolatuko du 'Gosaria: suteen aurkako araudi berria' izenburupean. Saioa hilaren 18an, datorren ostiralean, izango da, goizeko 9:30etik 11:30era, Oiartzunen duen aretoan (Astigarragako bidea, Mamuteko bulego eraikina 2, 2. Solairua, 20180 Oiartzun).

Jardunaldi honen helburua, industria segurtasunerako araudi berriaren nondik norakoak eskualdeko enpresei jakinaraztea da: «RE 513/2017- Suteen aurkako Instalazioen babeserako araudia», zehazki. Araudi horren arabera, arau zehatz bati lotuta ez dauden suteen aurka babesteko instalazioetan derrigorrezkoa da ikuskaritzak egitea. Aipatutako ikuskaritza horiek ez dute zer ikusirik suteen aurkako babes neurrien mantenu enpresek egiten dituzten aldizkako ikuskaritzekin.