Herenegun hasi zen joko zuzenaren festa

Madalensoroko pilotalekua pasakan jokatzeko egokitu zen. / BASTEROBERRI
Madalensoroko pilotalekua pasakan jokatzeko egokitu zen. / BASTEROBERRI

Ostiralean hasi eta gaur bukatuko da

BASTEROBERRI OIARTZUN.

Txost Oiartzungo Pilota Kirol Klubeko kideek astebururako joko zuzenen festa prestatu zuten. Ostiralean, bi hitzaldirekin hasi zen joko zuzenaren festa. Batetik, Iñaki Uriarteren eskutik 'La plaza frontón, agora vasca'. Eta bestetik, 'Joko zuzenak atzo eta gaur Oiartzunen' hitzaldia eman zuten Joxe Mari Mitxelenak eta Antton Mendizabalek.

Larunbatean, atzo, erakustaldiak egitekoak ziren. 10:30ean bote luzea plazan eta eguerdiko 12:00etan pasaka kontzejupean. Dena prest zegoen, udaletxeko brigadako langileek plazako bankuak kendu eta plaza librea bihurtu zuten. Baina, azken momentuko ezusteko bat izan zuten Txosteko kideek, euria.

Euria zela medio ezin izan zituzten joko zuzeneko partidak plazan jokatu. Halere, ez ziren besoak gurutzaturik gelditu antolatzaileak. Partidak plazan egin beharrean, Madalensoroko pilotalekua pasakan jokatzeko egokitu zuten eta bertan aritu ziren pasakan. Pilotalekuaren erdian sare bat jarri eta lurreko markak egokituta.

Gaur eguraldiak laguntzen badu behintzat, 10:00etan beheko plazan errebotean ariko dira Txosteko jokalariak. Eta datorren iganderako ere izango da parada, Artikutzako trenaren egunarekin bat eginez Txosteko kideek Pilotasoron 10:30ean erakustaldia izango dute.

Kataluniarekin elkartasuna

Gaurko egunez komunikabideetan ez beste gauzarik, Kataluniako erreferenduma. Horren harira, hainbat oiartzuar atzo Kataluniara bertaratu ziren bozkatzea bertatik bizi-tzeko. Beste batzuk, Bilbora joan ziren atzo manifestaziora. Gaur eguerdian ekitaldi soziala antolatu du Oiartzungo Gure Esku Dagok.

Eguerdian izango den ekitaldi sozialean Oiartzungo herritarren adierazpena egingo da. 'L'Estaca' abestuko da Done Eztebe plazan eta jarraian krema katalanaren dasta-tzea izango da.

Ekimen literarioa

Azmarrin eta Irakurketa taldeak antolatu dute gaurko ekimen literarioa. Hipatiaren lorategian izango da gaur 12:00etan. Ekimen literarioa irekia izango da edozeinentzat.

Antolatzaileek Martxel Mariskal Balerdi hondarribiarra gonbidatu dute haren lehen poema-liburuaz aritzeko, 'Azken zakatzak' (2017, Susa). Hondarribiarra elkarrizketa-tzeaz gain, poemak errezitatuko dituzte: Ainara Lasak, Oier Guillanek eta Alaia Martinek zein Ekain Telletxea eta Malen Etxebeste haurrek poemak. Gonbidatu sorpresa bat ere izango da bertan.

Saioa gidatzen Goiatz Labandibar idazle oiartzuarra ariko da. Eurak izango dira hitza kudeatzeko ardura izango dutenak; Idoia Beratarbidek koadro bat osatuko du saioak irauten duen artean.

Contenido Patrocinado

Fotos

Vídeos