Haurrengan irakurzaletasuna sustatzeko tailerra gaur arratsaldean

BASTEROBERRI OIARTZUN.

Zero eta sei urte arteko haurren artean irakurzaletasuna sustatzeko tailerra eskainiko du Manuel Lekuona bibliotekak. Elkar entzuteko guneak sortzen ipuinak lagun izenburupean, Pello Añorga ipuin-kontalari, idazle eta irakasleak dinamizatuko du tailerra.

Gaur hasita lau saioko tailerra izango da, bakoitza bi ordu eta erdikoa. Gaur eta bihar izango dira lehen biak eta hurrenak datorren asteazken eta ostegunean, hilak 21 eta 22an. Tailerra batez ere gurasoei zuzendua da. Hala ere, saio irekiak dira eta irakasle, hezitzaile edo interesatuta dagoen edonork parte har dezake. Tailerrean parte hartzeko ez da aurrez izenik eman beharko.

Contenido Patrocinado

Fotos

Vídeos