Girizia Mendizale Taldeko kideek urrirako ere badute plana

Giriziako kideak Valderejoko ibilaldian. / BASTEROBERRI

Gillué-Artosilla ibilbidea egiteko asmoa dute hilaren 21 eta 22ko asteburuan

BASTEROBERRI OIARTZUN.

Giriziako kideek ez dute aspertzeko betarik hartzen. Irailean Valderejorako irteera egin zuten eta urrian beste ibilaldi batekin datozkigu. Oraingoan Gillué-Artosilla ibilbidea egiteko asmoa dute.

Irteera urriaren 21ean izango da 15:30ean Haurtzaro Ikastolako aparkalekutik. Gilluéra iritsi eta La Bardana hotelean lo egingo dute. Ibilaldia, ohi bezala, igandean izango da. Igande goizean abiatuko dira Artosillara. Ibilaldiaren antolatzaileek 5 ordu eta erdiko buelta izango dela aurreikusten dute, atsedenak ere kontuan izanda.

Izen ematea betiko lekuetan izango da: Amazkar tabernan, Garmendi txokolategian edota www.girizia.org webgunean. 70 euroko kostua izango du: bidaiak, autobusa, hotela pentsio erdian eta etapa bukaerako pintxoak sartzen dira.

Fotos

Vídeos