Ganboxa kalean konpontzeko lanak hasi dira

BASTEROBERRI OIARTZUN.

Udal ordezkariek adierazi dute Arraguako Ganboxa bidea konpontzeko eta txukuntzeko lanak hasi direla. «Kalea konpondu, aparkalekuak atondu eta Euskotren parean oinezkoentzako espaloia egitea dira lanen helburu nagusia», adierazi du Iñaki Pikabea hirigintza zinegotziak.

«Guztira, 87 aparkaleku inguru atonduko dira Ganboxa kalean (40 Zubiondo eta Menusa-enea artean eta beste 47ak, Irastorza etxetik Intxausti-enea artean). Era berean, Ganboxa kale osoa -autopista zubi azpiraino- eta Iturrine plaza aurreko kale osoa ere asfaltatuko dira», zehaztu du.

Lanek bi hilabete eta erdiko aurreikuspena dute eta 180.000 euroko inbertsioa egingo du Udalak. Arraguako auzo batzarretan egindako eskaeratik abiatu du Udalak Ganboxa kalearen berritzeko proiektua garatzeko.

Contenido Patrocinado

Fotos

Vídeos