EHUko ikastaroen bukaerako saioa izan zen Oiartzunen

Jexux Leonet alkatea, Pako Etxeberria forensea eta Jon Gaztelumendi Katin-Ttikiko taldekideax. / BASTEROBERRI

Pako Etxeberriak Esteban Muruetagoiena medikuaren kasua ekarri zuen gogora

BASTEROBERRI OIARTZUN.

Ostiralean, EHUko 'Violencia masiva, fosas comunes y derechos humanos. Perspectivas desde las ciencias forenses y sociales' Uda Ikastaroa Oiartzunen bukatu zen. Ikastaroan denetariko parte-hartzaileak zeuden; bazeuden legelariak, historialariak, odontologoak, kriminologoak... Arratsaldeko 16:00etan udaletxean harrera egin zien Oiartzungo alkateak. Bertaratu zirenei Oiartzunen izandako indarkerien berri eman zitzaien. Pako Etxeberriak Esteban Muruetagoiena medikuaren kasua ekarri zuen gogora.

Gero Jexux Leonet alkateari pasa zion hitza. Hau, berriz, 1936ko gerraz mintzatu zitzaien. Faxistek hartu zuten Gipuzkoako lehen herria izan zela azaldu zien bertaratu zirenei. Hori zela eta, bortxa handiz tratatu zituzten herritarrak. Eta fusilamendu-toki bat baino gehiago izan ziren, tartean Iragorriko hilerria eta Oiartzungo kanposantua bera; bertaratu zirenek gero bisitatu zituztenak. Azkenin, Jon Gaztelumendi Katin-Ttikiko taldekideak hartu zuen hitza eta Katin-Ttiki taldearen nondik norakoak azaldu zituen.

Aitatu bezala, bertaratu zirenek udaletxeko harreraren ondoren 17:00ak aldean Oiartzungo kanposantua bisitatu zuten. Handik Iragorriko kanposantura joan ziren. Eta egonaldiarekin bukatzeko Karrikako Artaso elkartean afari-merienda ederraz gozatu ahal izan zuten.

Fotos

Vídeos