Bretainiako Ar Redadegera bidaia antolatu da maiatzaren 9tik 13ra

BASTEROBERRI OIARTZUN.

Oiartzun eta Carhaix herrien senidetza aprobetxatuta Oiartzundik Bretainiako Ar Redadeg-era bidaia egiteko proposamena luzatu dute Karaez-Oiartzun senidetza taldeak eta Oarsoaldeko aek-ak, Oiartzungo Udalaren laguntzarekin.

Ar Redadeg Euskal Herriko Korrika ideiatzat hartu eta Bretainian egiten den lasterketa da, bretainiako hizkuntzaren alde, bretoiera. 2008an egin zen estreinakoz. Bi urtetik behin ospatzen da, Euskal Herrian Korrika bezala. Beraz, aurten hamar urte lehen aldiz egin zela. Oiartzundik 'Bretainiako Korrikara' joatea da, beraz, asmoa. Maiatzaren 4an hasiko da Quemperren eta Plougernen bukatuko da maiatzen 12an. Guztira 1.800 kilometroko lasterketa izango da eta hirurehun herritik gora gurutzatuko ditu.

Oiartzundik, maiatzaren 9an abiatuko dira gaueko 22:00etan, hurrengo goizean Bretainian egoteko. Horrela, lasterketaren azken hiru egunak eta azken festa erraldoia ikusteko aukera izango dute. Kultura elkartruke bikaina izango da, euskaldunak Bretainiako hizkuntzaren aldeko lasterketa erraldoiaz gozatzeko aukera bikaina da.

Maiatzaren 13an egingo dute buelta, ilunabarrean iritsiko dira Oiartzungo plazara. Bidaia eta lotarako lekua 50 euroren truke izango da. Bidaia 18 urtetik gorakoentzat izango da. Oiartzuarrek izango dute izen emateko lehentasuna.

Oiartzuarrentzako izen emateko epea igande honetan bukatuko da; hilaren 1etik dago irekita eta 15ean itxiko da epea. Gainerako guztiek 16tik 30era bitarte. Izen emateko redadeg2018@gmail.com helbide elektronikoan edota Oiartzungo udaletxean.

Contenido Patrocinado

Fotos

Vídeos