'Beloaga: memoriaren behatokia' dokumentala eskainiko da bihar

Udaleko pleno aretoan ilunabarreko 19:00etan

BASTEROBERRI OIARTZUN.

Bihar, hilak 22, ilunabarreko 19:00etan 'Beloaga: memoriaren behatokia' dokumentala izango da ikusgai Udaletxeko pleno aretoan. Oiartzungo udalak lagunduta antolatu dute Azmarrin, Beloaga bizirik eta Nabarralde taldeek. Horrenbestez, dokumentala ikusitakoan Beloaga Bizirik zein Nabarraldeko kideekin solasaldi irekia izango da.

Beloaga, Gurutze auzoan kokatzen da, Arkaleko haitzetan. Bertan gure historiaren zati garrantzitsu asko daude gordeta. Antzinako garaietan leku estrategikoa baitzen, Arkaleko gainetatik Txingudiko badia, Jaizkibel, Pasaiako badia, zein Nafarroa aldea kontrolatu baitzitekeen. Beraz, Erromatarren garaietatik badira bertan ibilitako aztarnak. Halere, Beloagan aurkitu ziren gazteluaren arrastoek adierazten digute Oiartzun Nafarroako Erresuma boteretsuaren menpe egon zela. Hortik aurrera, hainbat gerratan ibili izan da. Ezagunena, baliteke, Karlistaldietan izana, bertan fuerteak eraiki baitzituzten. Eta jakina da, gerora ere Gerra Zibilean erabili izan zirela. Baita gerraondoan ere, 'Trabajadoreak' bertan egon baitziren; errepideak egiten aritu ziren gerrako presoak Arkalen ere egon ziren.

Contenido Patrocinado

Fotos

Vídeos