Baserri giroa zabaldu zen atzo herrian

Primerako erakustaldia eskaini zuten atzoko herriko dantzariek. / ARGAZKIAK ARIZMENDI

Azoka, idi-dema, sagardo lehiaketa, herri kirolak... moduko ekitaldiekin giro bikaina izan zen

GOIZARIN OIARTZUN.

Baserritar eguna, berez, egun berezia izaten da Oiar-tzungo jaietan. Izan ere, arrakasta handiko eguna da eta atzokoan ere ez zuen kale egin. Goiz goizetik hurbildu ziren herritarrak Done Eztebe plazara, festako gunerik garran-tzitsuenera. Bertan eman zitzaion hasiera ohiko dianari Lartaungo txistulariekin. Arraztalo elkarteak antolatutako Oiartzungo produktu ekologikoen azokak ere izan zuen arrakasta. Xixario Zalakain hain saritua den Galtzatako gazta saltzen aritu zen elkartekoekin batera. Zituene pasta freskoa eta Aparola baserriko barazkiak erosteko aukera ere bazegoen atzokoan.

Gaur, Gazteen Eguna izango da eta eguerdiko 13:30ak aldera botako dute gazte txupinazoa

Eta herriko helduek beste era bateko maisutasuna erakutsi zuten, oraingoan sukalde kontutan. Izan ere, Ibargain elkarteak antolatutako pintxo-lehiaketan 31 pintxo aurkeztu ziren. Epaimahaiak ez zuen lan erraza izan erabakitzeko zein izango zen aurtengo txapelduna. Aurten ere izugarri saiatu baitira herriko hainbat elkarte, taberna eta jatetxe. Epaimahai lanetan Koldo Fernandez, OKE-ko ordezkaria; Pio Retegi, Altzibar Bilerakoa; Llorens, Mugaritzeko sukaldaria; Aitor Cachafeiro, Katxa enpresako burua; Karlos Ibarguren OEEL-ko lehendakaria eta Marijose Aranburu herritarra aritu ziren. Azkenean, Ugaldetxo Kultur Taldea izan zen txapelketako irabazlea. Bigarren saria Amazkar tabernak eskuratu zuen. Hirugarrena, Toki Alai tabernak eta laugarrena, Gazte Izanak elkarteko tabernak, hain zuzen.

Aranburu baserriko sagardoa

Doneztebe plazan, bitartean, XVIII. Inaxio Ugarte sagardo lehiaketa puri-purian zegoen. Hamahiru sagardotegik parte hartu dute aurten: Iturriotzko Joxe Migel Olazi, Garmendi eta Kamiyo; Ugaldetxoko Eskonsegi eta Pastire; Altzibarko Aranburu; Karrikako Aldabe eta Arrasku; Elizaldeko Bordaxar eta Iñaki Olaiz; Ergoiengo Zulatxipi Borda; Guru-tzeko Galdos; eta Arraztalo elkartea. Eta aurtengo irabazlea, Altzibar auzoko Aranburu baserriko sagardoa; bigarren, Karrikako Arraskuko sagardoa; eta hirugarren, Iturrio-tzko Kamiyokoa. Bien bitartean, Amets Arzallus eta Jexux Mari Irazuren bertsoek alaitu zuten Doneztebe plazako giroa.

Bestalde, goiz eta arratsalde, herriko baserritarrek hilerriaren goiko aldeko plazan zuten zita. Hantxe idi-dema zeukaten ikusgai. Plazak gora, plazak behera, aurtengo txapelketa honela bukatu zen: lehenengo Enrike Artola, 50 plaza; bigarren, Celestino Aburuza, 49 plaza eta 1,88 m; hirugarren Telleria, 47 plaza eta 2,5 m; laugarren, Gabriel Odriozola, 45 plaza eta 5,42m; bosgarren, Ignacio Intxarburu 42 plaza eta 0,88m.

146 lagun danborradan

Arratsalde partean ez zegoen asper-tzeko astirik. Lur Korta artista oiar-tzuarrak 'Lapiko jolasak: bi sukaldariren jolasak' ikuskizunarekin txikiak alaitu zituen; Emakume taldeak Helduen Tailerren XX. erakusketa antolatu zuen, urtean zehar egindako lan erakusgarriekin; Iturri-berri elkarteko kideek antolatutako herri kiroletan jendetza bildu zen; beste hainbeste gertatu zen bertso afari feministarekin. Alaia Martin eta Miren Amuriza bertsolariek girotu zuten afari jendetsua.

Eta gauean, Helduen danborradarekin upel eta danbor soinuak izan ziren protagonista. Guztira 146 lagun ibili ziren herriko kaleetan zehar danborrari finak direla erakutsiz. Sarriegiren doinuak primeran jo zituzten, makilak ederki dantzatuz. Nabari zen primeran entseatua zutela. Eta gauerdian DJ Bullek eliza inguruko bazterrak alaitu zituen. Oiartzuarrak dantzari bikainak direla frogatu zen atzo, beste behin ere.

Gaur Doneztebe plaza morea

Aurtengo Xanisteban Jaiak buka-tzear daude, baina oraindik bi egun eder gelditzen zaizkie oiartzuarrei gozatzen jarraitzeko. Gaur, Gazteen Eguna izango da. Eguerdiko 13:30ak aldera botako dute gazte txupinazoa eta 14:00etan hasiko dira bazkaltzen.

Bestalde, goizean ere ez da faltako kirol egokituaren inguruko sentsibilizazio saioa, Done Eztebe plazan. Erraldoien kale buelta ere ikusgarria izango da. Exteban, Kattalin, Antton ta Mikaela gaur ere aterako dira dantzatzera. Arratsaldean, berriz, haur mailako banakako XX. Xake Lehiaketa Elizaren atarian; antzinako jolasak, haur eta gazteen-tzat; Kalejira, txarangarekin eta herriko gazteekin; Xanistebanetako Pala txapelketaren finalak (neskak eta mutilak), Kontzejupean.

Segidan, 18.00etan, XXVII. Arin-Arin eta Fandango Txapelketa, gaztetxoentzat Landetxeko plazan; segidan, apar jaia haur, gazte eta helduentzat, Haurtzaro Ikastolan.

Ilunabarrean, Oiartzungo Bilera, Kastroko iturrian. Dantzaldia Beltran hirukotearen eskutik; ondoren, Dantzaldia-erromeria Amikuzeko txarangaren eskutik. Gauean, Karaokea Landetxen. Beranduago Musika jaialdia eta amaieran DJ festa. Doneztebe plazan, berriz, 'Bide batez' taldearekin dan-tzaldia.

Temas

Jaiak

Fotos

Vídeos