Barrikote herrikoia bihar arratsean

Elorsoro kiroldegian egingo da Karrikako Artaso elkartearen eskutik./
Elorsoro kiroldegian egingo da Karrikako Artaso elkartearen eskutik.

Herritar mordoa espero da afaltzeko Elorsoro kiroldegian Artaso elkartearen eskutik

BASTEROBERRI OIARTZUN.

Bihar, apirilaren 7an, barrikote herrikoia izango da Oiartzunen. Urteak dira Pazko Asteko larunbatean barrikote herrikoia antolatzen dela Oiartzunen.

Urtero bezala, sagardotegian pare afalduko da Elorsoro kiroldegian Karrikako Artaso elkartearen eskutik; beraiek arituko baitira afaria prestatzen eta zerbitzari lanetan. Bakailaoa, haragia eta nahi beste sagardo kupelean izango da kantxan bihar arratseko 21:00etatik aurrera.

Sarrerak dagoeneko ia agortuta omen daude. 20 euroko sarrerak Amazkarren, Kastron, Xabalen eta Garmendi Txokolategian daude salgai. Ikasle eta langabetuenak, ordea, Kastron soilik daude salgai. Oraindik ere sarreraren bat gera daiteke, bertara joan eta galdetu, behar izanez gero.

Contenido Patrocinado

Fotos

Vídeos