Auzo bazkaria gaur Ergoiengo festetan, Auzokalte elkartean

Txistularien doinuek alaitzen dituzte festak. /  BASTEROBERRI
Txistularien doinuek alaitzen dituzte festak. / BASTEROBERRI

BASTEROBERRI OIARTZUN.

Festarako gogoa daukanak Ergoien auzora jo beharko du asteburu honetan. Izan ere, Oiar-tzun bailarako jai hauek giro paregabean ospatzen ari dira bertan. Atzo, lehen suziriarekin eman zioten hasiera festari, Lartaungo txistulari eta buruhandiekin alaituta. Gauean, berriz, sari mundialak jokoan zituen Truk txapelketari ekin zioten Auzokalte elkartean.

Gaur goizean eresia izango da Lartaungo txistularien eskutik. Aldi berean, Ergoiengo IV. Ganadu eta Artisau azoka zabalduko da Uztapide/Urtxale plazan. Ardi moztaileen erakustaldia egingo dute, eta jatekoak eta edatekoak egongo dira.

Eta 12:00etan, Haurtzaro dantza taldearekin batera ariko da L'Arboçako (Katalunia) ball de bastons taldeak ikuskizun polita eskainiko dute, plazan bertan. Emanaldiaren ondoren, auzo bazkaria ospatuko dute Auzokalte Elkartean, bakoi-tzak etxetik ekarritakoa elkarbanatuz.

Arratsaldeko 16:30ean, haur, gazte eta helduen mailatan egingo den V. Intxixu Trail mendi lasterketa abiatuko da. Segidan, Drac de Banyeres del Penedes suzko dragoiaren kalejira hasiko da eta arratsaldeko 19:00etan, Danborrada aterako da Pakitik eta Auzokaltera bitartean. Segidan, bertso afaria antolatu dute Maialen Lujanbio eta Iker Zubeldiaren eskutik, Auzokalte elkartean. Eta egunari amaiera emateko, Uzi Cuzy goizaldera arte.

Contenido Patrocinado

Fotos

Vídeos