Atletismoan marka politak egin dituzte herriko ordezkariek

Espainiako txapelketetan maila polita erakutsi dute Oiartzungo atletek. /  BASTEROBERRI
Espainiako txapelketetan maila polita erakutsi dute Oiartzungo atletek. / BASTEROBERRI

BASTEROBERRI OIARTZUN.

Haurtzaro Atletismo Taldeak haziak ereiten jarraitzen du eguneroko izerdiarekin. Baina, ez da alferrik egindako lana. Makina bat atleta atera baitira taldetik. Beste batzuk, oraindik taldean, baina marka ederrak egiten hasiak dira.

Ourensen jokatu da pasa den asteburuan Hogei urtez azpiko Espainiako Pista Estaliko Atletismo Txapelketa. Haurtzaro Atletismo taldean aritutako hiru atleta izan ziren bertan.

Bidasoa Atletiko Taldeko Alazne Garrido eta Nerea Oiartzabalek maila ederra erakutsi zuten. Garrido bosgarren izan zen 400 metroko lasterketan, 57 segundo eta 66 ehuneneko markarekin. Oiartzabalek, aldiz, metro eta 63 zentimetroko langa gainditu zuen altuera jauzian. Horrela, seigarren postua lortu zuen.

Julen Perez Loperena, berriz, bosgarren izan zen 200 metroko lasterketan. Orain dela hilabete eskas zilarrezko domina lortu zuen Euskadiko Txapelketan.

Oraingoan, penaz, ez zuen Euskadiko Txapelketako denbora hobetu, eta 22 segundo eta beste hainbeste ehunene- kotan gelditu zuen kronometroa.

Ane Etxebeste eta Hiart Ibarguren, Haurtzaro Atletismo Taldeko atletak, Euskadiko selekzioarekin Murtzian izan ziren, Espainiako Kross txapelketan. Etxebeste, hemezortzi urtez azpiko kategorian aritu zen, 36. postua lortu zuen. Ibarguren, berriz, hamasei urte azpiko kategorian aritu zen. 43. postuan heldu zen helmugara.

Contenido Patrocinado

Fotos

Vídeos