Asteburu honetan ere pilota eskutik hormara

Oiarpeko pilotariek ostiraletik iganderako agenda betea dute

BASTEROBERRI OIARTZUN.

Oiartzunen bertan hasiko dute pilota-asteburua pilotari gazteek. Haurtzaro Ikastolan jokatuko zuten atzo, 18:15ean, zestoarren aurka. Ostiralean, Madalensoro pilotalekuan hasiko dira partidak, ilunabarreko 19:00etan. Hiru partida jokatuko dituzte Oiarpeko pilotariek Madalensoron, lehena Gipuzkoako eskuz binakako txapelketaren barruan eta beste biak Udaberriko txapelketaren baitan. Lehena Gazteleku taldekoen kontra, bigarrena Intxurreren kontra eta hirugarrena Azkoitiaren aurka. Ostiralean bertan, Billabonan eta Aginagan ariko dira. Billabonan Gipuzkoako eskuz binakako txapelketako partida jokatuko dute Bear Zana taldearen kontra. Aginagan, berriz, Udaberriko txapelketako partida jokatuko dute Pagazperen kontra.

Larunbatean, beste kontu ba-tzuk izango dituzte. Arratsaldeko 15:00etan Gipuzkoako trinketeko txapelketako partida izango da Iruran, Oiarpe eta Hernaniren artean. Anoetan 15:30ean Gipuzkoako eskuz binakako txapelketako partida jokatuko dute Kuku eta Oiarpek. Ondoren, Euskal Herriko Kluben arteko txapelketara egingo dute jauzi. Txapelketa honetako lehen partida Azpeitian izango da, Sein eta Aburuza oiartzuarrak Orozko Olgeta taldeko pilotarien aurka ariko dira. Hauen ostean, 16:00etan Oroitz Seinek bakarka jokatuko du Añorgan zumaiarraren kontra. 16:30ean Lakuan Imanol Ugalde ariko da Txukun Lakua taldekoaren kontra. Azkenik, 19:00etan Zarautzen Etxeberria eta Salaberria Zazpi Iturri taldekoen aurka ariko dira.

Igandean, bi partida izango dira; batetik, Gipuzkoako eskuz binakako txapelketa eta bestetik, Gipuzkoako trinketeko txapelketa. Lehena, Tolosan jokatuko dute Aurrera taldekoen kontra. Bigarrena, aldiz, Iruran Gazteleku taldeko pilotarien aurka.

Contenido Patrocinado

Fotos

Vídeos