Arditurriko meatzariak omentzeko erakusketa

Ezkerretik eskuinera, Carlos Olaetxea, Jexux Leonet eta Guillermo Laine. Eskuinean, Arditurriko argazki zaharra. /
Ezkerretik eskuinera, Carlos Olaetxea, Jexux Leonet eta Guillermo Laine. Eskuinean, Arditurriko argazki zaharra.

Otsailaren 25a arte egongo da Arditurriko Interpretazio Zentroan

BASTEROBERRI OIARTZUN.

Arditurriko Interpretazio Zentroan XX. mende hasierako meatzariei omenaldia erakusketa inauguratu berri da. XX. mende hasierako Arditurriko argazkiak eta garaiko jantziak ezagutzeko aukera izango da 2018ko otsailaren 25a arte. Jardunaldiak Jexux Leonet Oiartzungo alkateak, Carlos Olaetxea Gipuzkoako Foru Aldundiko Gordailuako zuzendariak eta Guillermo Laine SADIMeko ordezkariak inauguratu zituzten pasa den ostiralean, ohorezko gonbidatuen aurrean: Arditurriko meategietako langile izandakoak.

Arditurriren balio arkeologikoa sozializatzeko lana egin da 2007. urtean Interpretazio Zentroa ireki zenetik. Orain, Arditurrin lan egin eta bizi ziren pertsonei aurpegia eta bizipena jarri nahi zaie.

Tren berdea eta bisitak

Dagoeneko 137.000 bisitarik ezagutu dituzte Arditurriko lurpeak, baina aste honetako zubian berriz ere aukera berezi eta polita izango da Arditurri ezagutzeko. Izan ere, bihar eta abenduaren 8an eta 9an tren berdea eta bisitak prezio murriztuan eskainiko dira. Trena Pagoaldetik meategietara ibiliko da goizean zehar joan etorrian. Prezio ezberdinak izango dira: trena eta oinarrizko bisita 5 eurotan. Trena + oinarrizko bisita, 1-4 urte bitartekoentzat 3euroren truke. Trena eta sakoneko bisita 7 euroren truke. Erreserba egitea beharrezkoa izango da plaza mugatuak baitira.

Erreserba egiteko edo informazio gehiagorako 943495049, 688 89 50068 telefonoetan, arditurri@gipuzkoamendizmendi.net helbidean edo ww.parketxesarea.org webgunean.

Contenido Patrocinado

Fotos

Vídeos