2018arekin batera OKEko jokalariak zelaira buelta

Xabier Lapazaran. / BASTEROBERRI
Xabier Lapazaran. / BASTEROBERRI

Bigarren mailako nesken partida bertan behera eta Erregionaleko mutilek 0 eta 2 galdu

BASTEROBERRI OIARTZUN.

Pasa den asteburuan, OKEko zenbait talde berri ere futbol zelaira bueltatu dira. Nahiz eta eguraldiak ez zuen askorik lagundu. Elur kontuak izan genituen Oiartzunen ere, baina hala eta guztiz ere jokatu ziren Ugaldetxon jokatzekoak ziren partidak. Kanpoan jokatzen zuten taldeek, ordea, ez zuten zorte bera izan.

Bigarren mailako neskak kasu. Osasunaren aurka jokatu behar zuten OKEko neskek igande eguerdian, Iruñean. Goizean abiatu ziren Oiartzungo neskak autobusez Iruñera. Bertara iritsitakoan jakinarazi zieten partida elurra zela eta bertan behera utziko zutela. Alper-bidaia egin ostean berriro ere etxera bueltatu behar izan zuten. Oraindik ez dakite noiz errekuperatuko duten partida.

Erregionaleko mutilen taldeak larunbatean jokatu zuen Pasaiaren aurka Karla Lekuona zelaian. Euria, elur-bustia zein elur malutak ere ikusteko aukera izan zen partidan zehar. Hasieratik gogor zelairatu ziren pasaiarrak. Partida hasi eta minutu gutxira sareratu zuten lehen gola; bigarrena, berriz, bigarren zatiaren bukaera aldera. Oiartzuarrak ez ziren fin ibili, baina epailearen zenbait erabakik polemika handiak sortu zituen. Halere, oiartzuarrek izan zituzten aukera apurrak ez zituzten aprobetxatu.

Preferenteko mutilek zorte gehixeago izan zuten. 2018ari hasiera ederra eman zioten, 2-0 irabazita etxean Sanpedrotarra taldeari. Oraingoan, Eki Sagarzazuren eta Ibai Kortabitarteren golei esker gailendu ziren aurkariari. Ohorezko kadeteek ere etxean jokatu zuten Hondarribiaren kontra; husna berdindu zuten. Ohorrezko haurrak, hauek ere Ugaldetxon, 1-2 galdu zuten Touringen kontra. Lehen haurren taldeak ere Karla Lekuonako anexoan jokatu zuten, 0-7 galdu zuten Beti Onaren kontra. Haur txikiek Hondarribian jokatu zuten 2-0 galdu zuten, kanpoan.

Nesketan, territorialeko taldeak igandean jokatu zuen Fanderiako zelaian Touringen kontra. Husna berdindu zuten. Hainbat arrazoi, tartean eguraldia, ez zen golik zelairatzerik izan. Ohorezko neska kadeteek 4-0 irabazi zuten etxean Urola taldearen kontra. Haur-8 mailako neskek 0-12 garaitu zuen Fanderiako zelaian Touring taldea.

Contenido Patrocinado

Fotos

Vídeos