Diario Vasco

Oiartzun taldeak Tenerifeko Granadilla hartuko du bihar, Karla Lekuona zelaian

Hamabigarren jokalaria beharrezkoa izango da bihar.
Hamabigarren jokalaria beharrezkoa izango da bihar. / GOIZARIN
  • Biharko 'finalean', hamabigarren jokalaria behar-beharrezkoa izango da, deialdi berezia egin du OKE-k

LaLiga Iberdrola amai-tzeko bost partida besterik ez dira geratzen eta dena erabakitzeke dago. Bukatu dira denboraldi honetako geldialdiak, maiatzaren 21ean jokatuko da azken neurketa eta ordurako jakingo dugu Oiartzun taldeak jarraituko duen beste urtebetez maila gorenean.

Bi talde jaitsiko dira bigarren mailara. Tacuense taldea dago azken koskan 11 punturekin. Espanyol taldea 12rekin dago eta Albacete, 13rekin, dago jaitsiera postutik kanpo. Eta bat goian dago Oiartzun taldea, 14rekin. Lau talde, hiru puntuko aldearekin. Ez dago txantxarik!

Eta Oiartzun taldeak bihar jokatuko du 26. jardunaldiari dagokion neurketa Karla Lekuona zelaian, goizeko 12:00etan. Aurrez aurre Tenerifeko Granadilla izango du. Aurkari gogorra, kontuan hartu beharreko taldea, ezbairik gabe. Izan ere, oso denboraldi bikaina egiten ari dira kanariarrak denboraldi honetan eta seigarren koskan daude berrogeita hiru punturekin.

Argoteren taldeak borrokatzen jarraituko duela ez dago inongo zalantzarik, final bat izango balitz moduan. Azken partidaren bigarren zatian erakutsitako adoreaz jokatzen badute ez dute huts egingo, etxeko zaleen aurrean.

Deialdi berezia egin dute OKE-ko jokalariek bihar haiek animatzera gerturatzeko Karla Lekuona zelaira, goizeko 12:00etan. «Galdu nahiz irabazi edo berdindu... zaleen animoak indartsuago egiten gaituztelako, bihar ere zuen berotasuna behar dugu», diote gogotsu jokalariek.

Recibe nuestras newsletters en tu email

Apúntate