Diario Vasco

Ongietorri gozoa oiartzuar txikiei

Haur nahiz gurasoentzat tradizio berezia da.
Haur nahiz gurasoentzat tradizio berezia da.
  • Atsolorra, jaiotzari lotutako erritua, errepikatu zuten atzo Oiartzunen 2016an jaiotako haurrentzat

Duela bi urte berreskuratu zuten Oiartzunen atsolorra, jaiotzaren inguruko euskal ohitura, eta orduz geroztik ezinbesteko hitzordu bihurtu dute. Hala, iaz jaiotako haurren atsolorra ospatu zen atzo. Jaioberrientzako ongietorri erritu horretan 2016an jaio ziren 84 haur oiartzuarretako 48k, euren guraso, senide eta aiton-amonek hartu zuten parte.

Ekitaldian, Iosune Cousillas Kultura zinegotziak haur oiartzuarrak komunitatearen ardura direla gogora ekarri zuen, eta euskaraz eta euskal kulturan hezteko konpromisoa «sinatu» zen Larraitz Aristizabal eta Aritz Oiartzabal 'Kapeo'-k txalapartaz lagunduta.

Musikak eta kantuak tarte garrantzitsua izan zuen atsolorrean: Lur Gaztelumendik atsolorrari buruz sortu duen kanta kantatu zuen; Maddi Kazabonek Pirritx, Porrotx eta Marimototsen 'Aitatxo eta Amatxo' kantak; azkenik, Alaitz Guridi eta Arantxa Ansa kantariek sehaska kantak batzuk.

Hamaiketako goxo batekin bukatu zen ekimena. Garai bateko atsolorretan meriendara joaten ziren guztiek eramaten zuten jatekoa edota edatekoa. Gisatua, xerra pipermorroekin, arroz-esnea, almibarretako mertxika... ez ziren merienda makalak izaten. Atzoko menua ere moldatu egin zuten garaiotara: patata-tortilla, gazta, bizkotxoa, txorizoa, urdaiazpikoa, pastela eta txokolate beroa besteren artean. Gisatu on askia ere ez zen falta udal aretoan. Lehen bezala orain, euskaldunen jaietan ez da faltan izaten jatekoa eta edatekoa.

Atsolorrean parte hartu zuen atzo ere Goya Anduaga Oiartzungo emaginak.

Recibe nuestras newsletters en tu email

Apúntate