Diario Vasco

Euskal Herriko pala txapelketaren lehen faseari amaiera emango zaio gaur

  • Aurten 59 bikote dira lehian, hamabi lehen mailan, hogeita hamaika bigarrenean eta hamasei hirugarrenean

Gaur goizean Madalensoron jokatuko diren lau partidekin Euskal Herriko pala txapelketaren lehen faseari amaiera emango zaio eta datorren asteburuan kanporaketak hasiko dira.

Gaurko partidak 8:00etan hasiko dira eta honakoak izango dira: Getaria-Bidegain versus Ferrero-Goñi; Andueza-Rodriguez versus Iribar-Etxarri; Beloki-Goñi versus Balda-Iribar eta Igoa-Gamio versus Martinez-Lekuona.

Pasa den asteburuan, Euskal Herriko pala txapelketa irekiari dagokionez hamaika partida jokatu ziren eta denetarik ikusi zen Madalensoron: partida orekatuak eta maila handikoak eta ez hain orekatuak eta maila txikiagokoak.

Partida orekatuak

Orekatuei dagokionez, azpimarratu behar da lehen mailan jokatu zen Ramos-Zubimendi eta Txoperena- Ubeda bikoteen artekoa eta lehenak, ordu eta erdi ondoren 25 eta 20 irabazi zutena.

Lehen mailan beste bi partida ere jokatu ziren baina ez zen horrelako orekarik egon eta batean Salaberria eta Huegun donostiar bikoteak 25 eta 13 erraz irabazi zion Aroztegi eta Azpeitia bikoteari. Bestean, berriz, oreka handiagoa egon bazen ere, azkenean Antxordoki II eta Almandoz nafarrek, 25 eta 15 irabazi zioten Duarte eta Koka bizkaitarrei.

Bigarren mailan, berriz, bost partida jokatu ziren eta orekatuena eta onena, Epelde eta Azpiroz azkoitiarrek eta Mitxelena eta Laborde donostiarrek jokatzen ari zena izan zen baina zoritxarrez amaitu gabe geratu zena, 24ko berdinketarekin Epelde aurrelaria zabalean erori eta txorkatila bihurritu zuelako.

Bigarren mailako beste partidak emaitza hauekin amaitu ziren: Salegi-Rordiguez 25 / Imaz-Elizalde 20; Perez - Elizasu 25 / Saizar Agirre 9; Lozano Nuin 25 / Berho Berho 22; Lujanbio - Murgiondo 25 / Barbulo - Luarizayerdi 14. Hirugarren mailari dagokionez, Beloki-Goñi 25 / Maneiro- Aizkorreta 16; Iparragirre - Garagorri 25 / Otxoa - Izkierdo 16 eta Ferrero- Goñi 25 / Juaristi - Askaiturrieta 10.

Recibe nuestras newsletters en tu email

Apúntate