Haurtzaro ikastola Inauteri Festan murgilduko da gaur

Joan den asteburuan Intxixuak, Basandreak eta Sorginak izan ziren herriko protagonista. Gaur, ostiral flakoa, urteroko Inaute festa ospatuko dute Haurtzaro Ikastolan. Haurtzaro ikastolakoek, ttikienetatik handienak arte, gurasoak ere tarteko, kolorez, musikaz eta dantzaz jantziko dute herria eta ikastola ingurua. Goizeko 10:30ean hasiko da haien festa. Ordu horretan aterako dira ikastolatik, urteroko desfilea egiteko (Ikastola - Elorsoro - Belutene - Doneztebe Plaza - Ikastola). Gero, ikastolako jolasleku nagusian emango diote goizeko saioari amaiera. Mozorroak, desfileak, dantzak, torradak ez dira faltako, hortaz. Arratsaldez, 14:30ean emango zaio hasiera ekitaldi nagusiari, ikastolako anfiteatroan. Aurkezleen hitzari musika, dantza eta ironia fina erantsiko dizkiote ikasleek eta, horrela, jaialdia ikusleentzat atseginagoa izan dadin. Guraso eta inauteri zale guztiak gonbidaturik daude ikastolako inauterietara. Mozorrotzea ahaztu gabe, noski. Hemen dira inauteriak! «Inauteri! Inauteri! Mozorro bat, bi aurpegi».