Diario Vasco

Gazteen Mendi Bizikleta Txapelketa hilaren 25ean, Mendibilgo Txaran

Arkaitz Iza, OTXEko arduraduna, eta Enekoitz Markos kirol zinegotzia OTXEko bi txirrindulariekin.
Arkaitz Iza, OTXEko arduraduna, eta Enekoitz Markos kirol zinegotzia OTXEko bi txirrindulariekin. / GOIZARIN
  • Infantil (14-15 urte) eta alebin (11-12 urte) mailako gazteek parte hartuko dute

Oarsoaldeko Txirrindularitza elkarteak antolatuta, Gazteen Mendi Bizikleta proba egingo da datorren otsailaren 25ean, Ugaldetxo auzoan dagoen Mendibilgo Txaran. Txapelketa mendi bizikleta proba izango da, alebin eta infantil mailako gazteei zuzendua, txirrindularitza modalitateko kirol txartela izan ala ez izan, guztiei zabaldua.

«Lasterketa honen helburua mendi bizikletaren erabilpena sustatzea da eta baita Otxe txirrindularitza eskolaren sustapena ere», adierazi du Arkaitz Izak, elkarteko arduradunak.

Lehiaketaren ezaugarriak

Lehiaketaren ezaugarriak hauexek izango dira: Zirkuitua 1,5 km-koa izango da, Mendibilgo Txara mendiaren inguruan. Hortaz, irteera eta helmuga Txarako parkean izango du (Frantzisko Urdinola kalea 9, Oiartzun). Aparkalekuak, berriz, Ugaldetxo auzoko Frantzisko Urdinola kalean eta Hilerriaren inguruan izango dira.

Izen-ematea egunean bertan egingo da. «Arratsaldeko 15:30ean hasiko da eta 16:30ean irteera emango da», zehaztu du Izak.

Txapelketan, lehenik alebinen txanda izango da eta horiek amai-tzean Infantil mailakoei emango zaie irteera. Sariak, berriz, kategoria bakoitzeko lehenengo hiru neska eta mutil sailkatuei emango zaie.

Txirrindulariek osatu beharreko itzuli kopurua honakoa izango da: infantilak lau itzuli eta alebinak, aldiz, bi.

Behin txapelketa amaituta, sari banaketarekin batera txokolate beroa eta opariak banatuko dituzte partehartzaile guztien artean. «Dutxak ere izango dira, Elorsoro kiroldegian», diote antolatzaileek.

Interesatuek informazio guztia eta kontaktua www.otxe.org helbidean izango dute.

Recibe nuestras newsletters en tu email

Apúntate