Diario Vasco

Esku hutsik itzuli da Oiartzun taldea Huelvatik

Koldo Fernendez OKE-aren lehendakariak oroigarria jaso zuen Nuevo Colombino estadioan jokatu zutela gogoratzeko.
Koldo Fernendez OKE-aren lehendakariak oroigarria jaso zuen Nuevo Colombino estadioan jokatu zutela gogoratzeko.
  • Sporting taldeak 2-0 irabazi dio Gari Argotek gidatzen duen taldeari

Pasa den igandean, Oiartzun taldeak partida historikoa jokatu zuen Huelvan, Nuevo Colombino estadioan. Emakumeen liga nagusiari dagokion 18. jardunaldia egin zen lehenengo aldiz zelai ospetsu horretan. «Galdu egin badugu ere ohorea izan da horrelako leku batean jokatzea, 4.000 zaleen aurrean», zioten amaieran Gari Argoteren jokalariek. Ez zen gutxiagorako.

Aurreko bi partidak irabazita, oiartzuarrek gogo biziz eutsi zioten norgehiagokaren hasierari, zerbait lortzeko irrikaz. Nolanahi ere, etxekoek ere ez zuten deus saltzeko eta berehala hasi ziren arriskua sor-tzen Oihanak babestutako ate inguruan. Bosgarren minuturako hiru aukera garbi izan zituzten andaluziarrek. Nolanahi ere, Oihana Aldaik eta defentsek egindako lanari esker, atsedenaldira markagailua mugitu gabe iristea lortu zuten. Ez zen lan makala izan, euria jasek zelaia oso neketsua jarri baitzuten.

Bigarren zatian, Sporting taldeko jokalariek jo eta su jarraitu zuten partidaren atzetik. Oiartzuarrek nola edo hala lortzen zuten haien lana oztopatzea, azken metrotan bazen ere. Gauzak horrela, 66. minutuan Joana Arranz Oiartzungo jokalariak bigarren txartela horia ikusi zuen eta kanporatua izan zen. Eta handik gutxira etorri zen etxekoen lehen tantoa, 72. minutuan. Eta norgehiagoka amatatua utzi zuten hiru minutu beranduago bigarrena sartu zutenean. Azkenean, 2-0koarekin bukatu zen partida historikoa, esan bezala.

Tacuense, hurrengo aurkaria

Honako hamaikakoa zelairatu zuen Argotek: Oihana Aldai, Ane Pérez, Nerea Abancens, Silvia Ruiz (Sara Olaizola, 80. m.), Carol González (Nerea Murua, 80. m.), Jone Bilbo (Alazne Bengoetxea, 69. m.), Iran-tzu Ibarrola, Evelyn Santos, Joana Arranz, Marina Agoües eta Eguzkiñe Peña (María Granado, 80. m.).

Gauzak horrela, Oiartzun taldeak 14. koskan jarraitzen du 11 punturekin. Haren atzetik jaitsiera postuan dago Espanyol taldea, puntu berdinekin; azken koskan dago Tacuense taldea, 8 punturekin.

Datorren igandean, goizeko 12:00etan beste final ttiki-handi bat jokatuko du Oiartzun taldeak, Karla Lekuona zelaian. Izan ere, azken koskan dagoen Tacuense taldea hartuko du Ugaldetxon. Bai ala bai partida irabazi behar du Gari Argoteren taldeak, mailan jarraitzeko borrokan. Horrela jaitsiera postuetatik urruntzen hastea lortuko du eta, aldi berean, Albacete taldeari aurrea hartzea.

Puntu bat Erregional taldeak

Puntuak batzen jarraitzen du Ohorezko Erregional taldeak, pasa den larunbatean Elgoibarren aurka jokatu zuen partida hutsean bukatu zen eta. Oso norgehiagoka orekatua jokatu zen Mintxeta zelaian, baina golak egiteko aukera gutxikoa. Lehenengo zatian argiena Txema Fraileren jokalariek izan zuten, Garmendiaren eskutik. Bigarrenean, berriz, elgoibartarrena izan zen, baina Salinasek egindako geldiketa ederrari esker ez zen deus gertatu. Azkenean, puntu banaketa juxtua bi taldeentzat.

Honako hamaikakoa zelairatu zuen Frailek: Salinas, Ibai (Oier, 80. m.), Loperena, Marin, Artola (Sistiaga, 77. m.), Eñaut, Jon Mikel (Arbelaitz, 57. m. ), Montes (Iribarren, 66. m.), González (Kevin, 84. m.) eta Garmendia.

Datorren larunbatean, hilak 18, OHO Erregional taldeak Ordizia hartuko du Karla Lekuonan, arratsaldeko 16:15ean hasita. Partida polita aurre ikusten da bi taldeak oso parekatuak daude eta sailkapenean. Ordiziarrak zazpigarren postuan daude, 32. punturekin; oiartzuarrak, berriz, bederatzigarrenean, 29rekin. Ez dago txantxa, beraz. Zaleek badakite ez dutela huts egin behar.

Euskal Ligakoak lider

Euskal Ligako nesken taldeak lider jarraitzen du beste astebetez. Izan ere, pasa den igandean 2-1 irabazi zion Hernaniri, Ugaldetxon. Oso partida borrokatua izan zen hasiera-hasieratik. Oiartzuarrek tinko eutsi zioten baloiari eta kostata izan bazen ere Leire Urritegi oiartzuarrak lortu zuen markagailua zabaltzea 35. minutuan.

Hernaniarrek ez zuten etsi eta bigarren zatian gogor lan egin zuten berdinketaren atzetik. Baita lortu ere. Zur eta lur geratu ziren oiar-tzuarren zaleak. Bigarrena lortzeko zorian ere egon ziren kanpotarrak, baina partida amaitzeko azken minutuak falta zirela aurreratu ziren berriz ere etxekoak. Azkenean, hiru puntu poltsikora eta nagusi sailkapenean.

Recibe nuestras newsletters en tu email

Apúntate