Diario Vasco

Izaro Telletxea eta Ane Jaunarena nagusi Soinu Zahar txapelketan

Igandeko protagonistak, sariak eskuan dituztela.
Igandeko protagonistak, sariak eskuan dituztela. / ARGAZKIAK GOIZARIN
  • Elizalde dantza taldeak antolatutako kanporaketan 31 neskatxek parte hartu dute, bi sailetan banatuta

Oiartzungo Haurtzaro dantza taldeko Izaro Telletxea eta Lezoko Murixkako Ane Jaunarena dantzariek irabazi dute Oiartzungo Soinu Zahar txapelketako kanporaketa. Igandean, Oiartzungo Udalak lagunduta Elizalde dantza taldeak eta Gipuzkoako Euskal Dantzarien Biltzarrak antolatuta jokatu zuten Oiartzungo kanporaketa Elorsoro kiroldegian eta bi dantzari horiek izan ziren epaimahaikideen ustez onenak. Guztira 31 dantzarik hartu zuten parte Oiartzungo Soinu Zahar Txapelketetan: alde batetik, 12-15 urte bitarteko 17 neska, B sailkoak; 7-10 urte arteko 14 neska, A sailkoak, bestetik.

Dantzarien lana epaitzeko Euskal Dantzarien Biltzarreko Jose Luis Vallejo tolosarra, Maria Ferreiro elgoibartarra eta Izar Etxeberria oiar- tzuarra aritu ziren, Estibalitz Iturria idazkariarekin batera. Haien arabera, dantzari irabazleak hauexek izan ziren: Oiartzungo Soinu Zahar txapelketako B sailean: 1. Izaro Telletxea (Oiartzun). 2. June Tejeria (Zizurkil) eta 3. Irati Olaizola (Legazpi). A sailean, berriz: 1. Ane Jaunarena (Lezo) 2. Ibone Alvarez de Velate (Lezo) eta 3. Miren Urdanpilleta (Lezo).

Telletxea eta Romero

Igandean, lehen dantzari oiartzuarrek ere jaso zuten saria: B sailean, Izaro Telletxeak eraman zuen; A sailean, berriz, Lide Romerok, biak ala biak Haurtzaro dantza taldeko kideak. Iosune Cousillas Kultura zinegotziak, Maria Ferreiro epaimahaikideak eta Izar Etxeberria Euskal Herriko dantzari txapeldunak banatu zituzten igandeko sariak, Andoitz Apaolaza Elizalde Herri Eskolako zuzendariarekin batera.

Maddi Nazabal aurkezleak oholtza gainean dantzan aritu ziren neska guztiak zoriondu zituen, amaieran; izan ere, egindako lana ez baitzen makala izan eta maila altua zutela erakutsi zuten. Txistularien lan bikaina ere goraipatu zuen, haiek gabe ez baitzegoen txapelketarik. Elorsoroko harmailetan bildu ziren ikusle-entzuleek txalo zartarekin eskertu zuten denen eginahala. Buka-tzeko, irabazleek agurra eskaini zuten.

Recibe nuestras newsletters en tu email

Apúntate